TABANAN, ISIN-GUMI
Pemudik uling Dusun Lidah RT 001 RW I Desa/Kecamatan Gambiran,
Banyuwangi, Jawa Timur, Haxni Krustiawan, 29, ngemasin mati di jalan Dénpasar-Gilimanuk
Km 55.700, Banjar Selabih Wanasari, Désa Selabih, Kecamatan Selemadeg Barat,
Tabanan, Soma (4/7) peteng. Haxni Krustiwan tabrak pick up L 300 nomor polisi P
9403 VO tur kapaid kanti 26 méter. Nika mawinan, ipun sané negakin motor Mio DK
6610 FF ngemasin mati di tongos matabrakan. Arif, sane kagandeng matatu rahat
kaplaibang ka BRSUD Tabanan.
Manut Kanit Laka Sat Lantas Polrés Tabanan Ipda Madé Sukiarta kauningin
Kapolrés AKBP Putu Putera Sadana nerangang, tabrakan Mio DK 6610 FF lan pick P
9403 VO punika sawatara jam 23.15 Wita. Sadurung matabrakan, Haxni Krustiawan
ngandéng Arif ngaba motor Mio teka uling kangin (Dénpasar) pacang mulih Lebaran
ka Gambiran, Banyuwangi, Jawa Timur. Nanging mara neked di Banjar Selabih
Wanasari ipun nyalip bus. Kala nyalip bus sané durung kauningin nomor polisiné
punika ipun kaserémpet bus. Nika mawinan Haxni lan montorné ulung ka tangawan
(kaja).
Kala ulung punika, uling kauh teka pikc up P 9403 VO kaseterin olih Cahyawan
Hadi, 44. Haxni lantas katabrak tur mapaid betén pick up. Ipun kapaid kanti 26
méter johné. “Nika mawinan Haxni ngemasin mati di tongos matabrakan,” ucap Ipda
Madé Sukiarta. Arif sané kagandéng liu matatu tur kaplaibang ka RSUD Tabanan.
Sopir pick up Cahyawan Hadi saking Kampung Baru RT 002/003, Jajak, Gambiran,
Banyuwangi, Jawa Timur lan pick up né kabakta ka Mapolrés Tabanan. Ki Sanak
Tidak ada komentar:
Posting Komentar