 |
| Mobil kerek ngedeng bangken pick up. |
TABANAN,
ISIN-GUMI
Mobil
palungan utawi pick up DK 9809 HJ matabrakan ajak mobil KIA DK 1074 JP di margi
agung Dénpasar-Gilimanuk, Banjar Tengah Kaja, Désa Bantas, Kecamatan Selemadeg
Timur, Tabanan, Buda (17/8). Tabrakan puniki makada Ni Nyoman Sayun, 80, karma saking
Banjar Mambang Tengah, Désa Mambang, Kecamatan Selemadeg Timur, Tabanan
ngemasin mati. Tiosan punika, 16 diri penumpang mobil palungan lan mobil KIA
matatu lan tulangné elung.
Kapolsék
Selemadeg Timur AKP I Wayan Sunarsa nerangang, tabrakan punika sawatara jam 09.00
Wita. Pick up DK 9809 HJ kaseterin olih I Madé Selawa Antara teka uling kauh
ngajak penumpang 12 diri. Manut rencana,
kulawarga saking Désa Mambang puniki lakar makuhin umah di Désa Dalung,
Kecamatan Sempidi, Badung. Neked di Banjar Tengah Kaja, uling kangin teka mobil
KIA DK 1074 JP kasetirin olih Ida Bagus Putu Wirayadi ngajak penumpang 5 diri. Rombongan
Ida Bagus Putu Wirayadi pacang ka Jembrana santukan sametoné maduwé karya Déwa
Yadnya.
Santukan
pick up lan mobil KIA paturu ngebut, caplagan tusing prasida kakelidin.
Makejang penumpang di mobil pick up DK 9809 HJ masintungan ka jalanné. Ento
mawinan Sayun ngemasin mati di tongosé matabrakan. Sopir lan penumpang pick up
ané selamet makejang kaplaibang ka RSUD Tabanan. Kéto masé sopir lan penumpang
KIA makejang matatu rahat tur kaplaibang ka RSUD Tabanan apang maan ubad. Ki Sanak
Tidak ada komentar:
Posting Komentar