 |
| Ilustrasi, anak matomblosan ubek polisi. Kaambil saking internet |
NEGARA, ISIN-GUMI
Polrés Jembrana ngubek-ubek tongos sundel di Batu Karung, Banjar
Sumbersari, Désa/Kecamatan Melaya, Jembrana, Wraspati (23/6) peteng. Telung
diri Pekerja Séks Komersial (PSK) utawi sundel kajuk. Tiosan ring punika kalih
diri pelanggan sundel taler kajuk. Nanging adiri pelanggan sundelé prasida
mlaibang raga ka bet-beté. Ipun malaib bah labuh kepung polisi kerana sépan-sépan
nyaluk celana. Maimbuh cawet ipuné makutang di tongosé matomblosan.
Makatiga diri PSK sané kajuk tur kabakta ka kantor polisi inggih punika Kmr, 37, saking Dusun Semberwatu, Désa
Taman Sari, Kecamatan Licin, Banyuwangi, Jawa Timur, Ayu
SM, 44, saking Dusun Lumbung, Désa
Surén, Kecamatan Ledokombo, Jember, Jawa Timur, lan Ans, 32, saking
Dusun Nganggunan, Désa Karang Bayat,
Kecamatan Sumberbaru, Jember. Makakalih diri
anak lanang pelanggan PSK sané kajuk inggih punika I Gedé S, 25, buruh bangunan saking
Banjar Pangkung Tanah, Désa/Kecamatan
Melaya lan Mohamad AM, 26, supir
truk Jawa-Bali saking Désa Waiara, Kecamatan Kewapanté, Nusa Tenggara Timur (NTT).
Manut orti, polisi ngubek-ubek umah sundel ring Batu Karung sawatara jam
23.30
Wita. Makasami kajuk di kamar kala mademenan. Kmr kajuk kala nyangkutin I Gedé
S, lan ngamanang barang bukti jinah skeet tali (Rp
50 tali). Jinah punika wantah upah saking Gedé S katur
ring Kmr. Sementara
Ayu SM jakuk rikala majangkut sareng Mohamad AM. Taler
kaamanang jinah Rp
60 tali. Nanging anak
muani ané nyangkutin Ans,
mlaib saking kamaré. Ipun ngutang cawetné tur mlaib sambilang nyaluk jalér. Cawetné kaaba ka
kantor polisi pinaka barang bukti. “Ipun
mlaib ka bet-beté, maan ngepungin nanging sing bakat baan ngejuk,” ucap Kasat Réskrim Jembrana,
AKP Gusti Madé Sudarma Putra sakadi kacungkil saking Harian
Umum NusaBali, Saniscara (25/6).
Makatiga anak istri punika ngaku ngadol raga anggon munduhang bekel
anggon mudik kayang lebaranné. Ipun makatiga ngaku ngadol raga aji sèket tali
rupiah. Akéhan sané singgah maimbuh ngagah disubané ngenjuhang jinah wantah
supir trek. “Ipun makatiga lakar nyalanang hukuman tur kaputus ring Pengadilan
Negeri Negara,” terang AKP Sudarma Putra. Ki
Sanak
Tidak ada komentar:
Posting Komentar