 |
| Polisi nongosin tongos tabrakan |
TABANAN, ISIN-GUMI
Bajang jegég, Ni Kadék Émy Utami, 25, ngemasin mati di kreteg Tukad Yéh
Nusa, Banjar Penyalin, Désa Samsam, Kecamatan Kerambitan, Tabanan, Buda (27/7)
peteng. Ipun katarka lindes trek kanti isin sirahné mabrarakan. Disubané tabrak
trek, sopir trek ngengsehang ngenjek gas mlaibin Kadék Émy ané ngemasin lacur.
Tabrakan puniki sawatara jam 20.00 Wita. Sadurungné, Kadék Émy, bajang
jegég uling Banjar Celuk Mambang, Désa Mambang, Kecamatan Selemadeg Timur,
Tabanan, teka uling kauh negakin Vario DK 7252 HW. Neked di shortcut Yéh Nusa,
ipun serémpatan ajak montor Honda P 2383 LY. Nyén negakin montor maplat
Banyuwangi, Jawa Timur ento tusing ada ané nawang. Serémpétan ento makada Kadék
Émy nyrégség lan ulung.
Kala ento uling kangin ada truk – masé sing tawang nomor polisi lan
supirné – ngebut uling kangin maimbuh ngliwat kaja. Treké lantas nglindes Kadék
Émy ané bah di aspalé sasubané ulung uling montorné. Kadék Émy nglantas
ngemasin lacur di tongosné labuh. Sirahné encak (ampura) kanti isiné mabrakan
di jalané. Supir treké mirib mapi-mapi sing nawang nglindes anak kanti mati jeg
ngengsehang ngenjek gas ngebut ngauhang. Krama ané kabenengan ngliwatin kretegé
ento lantas nglaporang ka polisi. Mayitné Kadék Emy lantas ka aba ka Rumah
Sakit Tabanan satondén jemaka tekén kulawargané abana mulih ka Banjar Celuk
Mambang. Ki Sanak
Tidak ada komentar:
Posting Komentar