 |
| Kalangan tajen di Desa Abiantuwung, Kecamatan Kediri, Tabanan |
TABANAN, ISIN-GUMI
Angga Polrés Tabanan nekain kalangan tajen di pelaba Pura Dalem Abiantuwung,
Désa Abiantuwung, Kecamatan Kediri, Tabanan, Wraspati (23/6). Nanging di genahé
punika nénten wénten bebotoh, santukan sampun sambrag sadurung polisi rauh. Tiosan
ring genahé punika, Polrés Tabanan taler nekain kalangan tajen di Banjar
Pasekan, Désa Abiantuwung, Kecamatan Kediri, nanging pateh, tajenné sampun
suud.
Kasat Réskrim Polrés Tabanan AKP Nyoman Sukanada nerangang, Kapolrés
Tabanan AKBP Putu Putera Sadana merintahang apang ngejuk lan ngukum bebotohé. Perintah
punika kamedalang apang ten wénten sadu polisi kaucap ngubuhin tajen. “Kalih
tongos karauhin nanging tajenné sampun puput,” atur AKP Nyoman Sukanada sakadi
kacungkil saking Harian Umum NusaBali,
Sukra (24/6).
AKP Nyoman Sukanada nitahang anggotané apang ngedasin kalangan tajen
ring genah Pelaba Pura Dalem ring Banjar Abiantuwung Kaja punika. Anggota ipuné
taler katitahang sabilang dina ngawasin genahé punika apang ten wénten tajen
malih. “Sabilang dina kajaga olih polisi mabaju dinas muang polisi mabaju préman,” ucap AKP Nyoman Sukanada.
Tiosan ring punika, Polrés Tabanan terus pacang mubarang tajen ring sajebah
wewidangan hukum Polrés Tabanan. Ki
Sanak
Tidak ada komentar:
Posting Komentar