 |
| Ida Tjokorda Anglurah Tabanan mersihang Ki Tulup Empet sadurung katurang pujawali di Pura Batur Agung Puri Tabanan, Saniscara Kliwon Landep (4/2). |
TABANAN, ISIN GUMI
Ida Tjokorda Anglurah Tabanan nedunang pusaka di Puri Agung Tabanan,
Saniscara Kliwon Landep (4/2). Pusaka-pusaka Puri Tabanan puniki raris kapundut
ka Pura Batur Agung Puri Tabanan. Wenten 15 pusaka kapundut oleh para ksatria
lanang Puri Tabanan. Pusak-pusaka suci punika luiré Ki Tulup Empet, Keris Besi
Kuning, lan Keris Nangluk Merana.
Pusaka-pusaka suci punika katedunang sakit gedong simpen sawatara jam
09.00 Wita raris kasunggi ka Pura Batur Agung Puri Tabanan. Pusaka punika
wantah dados kasunggi olih ksatria lanang kémanten. Satiba ring Pura Batur
Agung Puri Tabanan, sadurung katurang pujawali, pinih ajeng pusaka puri punika
kabersihin antuk toya bungkak saking 5 kelapa luiré bungkak nyuh gading,
bungkak nyuh bulan, bungkak nyuh sudamala, bungkak nyuh gadang, lan
bungkak nyuh mulung. Selanturnyané kabersihin
antuk juuk nipis anggén ngilangang barah, punika taler nganggén toya kumkuman.
Risampun kabersihin raris kakeringang nganggén kapas tur kaolésin minyak
kelapa. Minyak kelapa ané anggén mersihang pusaka suci puniki inggih punika
minyak kelapa gading, minyak kelapa bulan, minyak kelapa sudamala, minyak
kelapa gadang, muang minyak kelapa mulung. “Risampun kabersihang wawu pusaka
punika katurang pujawali. Sinalih tunggil pusaka pingit duk penjajahan Belanda sané
katedunang inggih punika Ki Tulup Empet,” atur Ida Tjokorda Anglurah Tabanan.
Tisosan ring Ki Tulup Empet, pusaka sané taler katedunang inggih punika
Keris Besi Kuning. Kagunan pusaka puniki anggén magerin raga apang ten keni
bencana. Keris Nangluk Merana kagunayang ring abian muang carik rikala krama
cacakan carik jerihang wereng, tungro, bikul, lan sarwa prani tiosan sané tetanduran
petaniné usak. “Kala Tumpek Landep akéh krama cacakan carik nangkil ka Puri
Agung Tabanan nunas wangsuhpada Keris Nangluk Merana. Tirta punika kaketisang
ka abian muang carik anggén ngilangang sakancan merana ring cariké,” teges Ida
Tjokorda Anglurah Tabanan. Kadék
Sugianto
Tidak ada komentar:
Posting Komentar