 |
| Ilustrasi, kaambil saking internet |
DÉNPASAR, ISIN-GUMI
M, 40, kalaporang ka Polsék Dénpasar Selatan tekén somahné, S, 29, kerana
marikosa pianak padidi, Sukra (24/6). M ngrépé lan nglalungin pianakné, MB, 15,
rikala pianakné lelep pules. Buin sada, M nglumbar kenehné jaruh ri samping
somahné ané pules leplep. Ipun makatiga sirep mapunduh di tongos madunungan
Lingkungan Panjer, Dénpasar Selatan.
Pendamping Hukum P2TP2A Kota Dénpasar, Siti Sapura nerangang, M marikosa pianakné padidi duk Buda (22/6) peteng. Kala
punika, ipun makatiga sirep mapunduh, M pules ri samping somahné. Disubané somahné
pules ngerok, M makisid sirep ka samping pianakné. Kala somahné ngerok, ipun
nyeluk rok pianakné. “M ngelésang rok pianakné lantas grapa grépé,” ucap Siti
Sapura rikala nampingin MB lan méméné katunasin keterangan di Mapolrésta Dénpasar.
Kasusé puniki kaserahang ka Mapolrésta Dénpasar saking Polsék Dénpasar Selatan
kerana ring Polsék tan wénten unit Perempuan dan Perlindungan Anak (PPA).
M buin maimbuh ngrépé pianakné kala Wraspati (23/6) peteng. Parilaksana ubuan
punika buin kalumbar rikala somahné, S, pules ngengkis. Kéto masih pianakné,
MB, leplep sirepné. “MB lantas enten tur napetin suba malalung. Ipun jejeh lan
nundun méméné,” imbuh Siti Sapura sané kasub kakaukin Ipung. Mémé lantas
nglaporang parisolah kurenané ngrépé pianak padidi ka polisi. MB lan méméné
katunasin katerangan olih petugas PPA Mapolrésta Dénpasar saking jam 18.00 Wita
kantos jam 22.30 Wita. Suud katunasin keterangan kaateh ka Rumah Sakit Trijata Dénpasar
apang katuréksain dokter utawi visum.
Kasat Reskrim Polrésta Dénpasar Kompol
Reinhard Habonaran Naingolan matutang wénten
laporan pianak katarka kaparikosa olih bapané padidi. Nanging dané tan kayun
nerangang kasujatian buuté punika kerana pasadu punika wau ngranjing. “Jantosang
dumum, kantun mlajahin laporanné,” cawis AKP Reinhard Habonaran Nainggolan
sakadi kacungkil saking Harian Umum
NusaBali, Saniscara (25/6). Ki Sanak
Tidak ada komentar:
Posting Komentar