 |
| Selender nyungkling lan truk ngandang di Banjar Pondok Kaja, Desa Gadungan, Kecamatan Selemadeg Timur, Tabanan, Wraspati (23/6). |
TABANAN, ISIN-GUMI
Tandem roller (lumrah kasambat selénder) tusing nyidang ngamenékang di
jalan nerunggah Banjar Pondok Kaja, Désa Gadungan, Kecamatan Selemadeg Timur,
Tabanan, Wraspati (23/6) sanja. Selendéré punika lantas majalan ngatrék truk
nabrak truk ngaba muatan asphalt finisher (lumrah kasambat selénder) di doriné.
Tandem roller nyungkling di telabah cerik di sisin jalané, truk mautan asphalt finisher
ngandang di tengah jalané.
Manut orti ring marginé, tabrakan selénder ajak truk ngaba selénder di
Banjar Pondok Kaja, Désa Gadungan sawatara jam 17.00 Wita. Kala punika, tandem
roller muang truk ngaba asphalt finisher majalan marérod uling kelod pacang ka
Désa Gempinis, Kecamatan Selemadeg Timur. Nanging neked di jalan nerunggah Banjar
Pondok Kaja, Désa Gadungan, tandem roller tusing nyidang ngamenékang. “Selénderé
ngatrék tur nabrak truk mamuatan selénder di doriné,” ucap sinalih tunggil
krama di genahé punika.
Ipun nyambatang, tandem roller punika nyungkling uling di jelinjingan
utawi telabah dauh margi. Ulian tabrakan punika, jalanné di Désa Gadungan ka Désa
Gempinis tusing dadi entasin. Kerana bangkén truk mamuatan asphalt finisher
ngandang di tengah jalanné. Sekretaris Désa Gadungan, I
Wayan Sudika Pariguna nerangang, selénder
punika pacang
ka Gempinis santukan salantang margi Gadungan – Gempinis polih proyék
hotmix. “Ba paek ngalih tongosé di Gempinis, jeg matabrakan selénderé,” ucap
Wayan Sudika.
Apang prasida jalanné kaentasin, kramané ané pacang ka Tabanan utawi
mulih ka Désa Gimpinis kadedehang ngliwatin margi d Banjar Munduk Malang, Désa
Dalang, Kecamatan Selemadeg Timur. Saking marginé punika melinder ngrereh genah
sané katuju. Manut orti sané katerima olih Wayan Sudika, selendéré wau kakérék
sawatara jam 23.00 Wita kerana ngantosang mobil dérék saking Dénpasar. “Sopir
selénder lan spir truk sami selamet,” ucap Wayan Sudika sakadi kacungkil saking
Harian Umum NusaBali, Sukra (24/6). Ki Sanak
Tidak ada komentar:
Posting Komentar