 |
| foto ngambil saking fb |
Jam 06.00 Wita, kulkul di banjar tiangé katepak. Tung… tung…. tung, suarané
jangih. Macihna sampun wusan Nyepi, mangkin kaucap ngembak geni. Risampuné
kulkulé mamunyi, titiang ngidupang HP. Klentang klenting munyinné, bek pesan
ada pesan di WhatsApp. Sakabesik kal baca. Sané makada titiang runtag, dugas
mukak WA grup sekolahan titiange, ramé timpalé ngorahang mabalih api. “Nyepi ada
api, koné amati geni?”
Tusing ja foto api matinggah di punyan kayuné dogén kirima di grup WA,
ada masé vidioné. Iseng titiang ningalin facebook, masé ramé nétizen nguyutang
mabalih api. Foto ajak video patuh kirima di FB. Sakéwala ané makada sangsi,
potrékan sané patuh sakéwala tongosné mabinaan. Simalu kasambat di Tabanan.
Tabanan dija? Ada lantas ngorahang di Desa Bongan, Kecamatan Tabanan. Ada
ngorahang di Cau, apaké Cau Désa Tua Kecamatan Marga apaké Désa Cau Belayu,
Kecamatan Marga? Ada masé nyambatang di kota Tabanan? Mih nguda potrékan lan video
patuh nanging tongosné milehan? Dijaké sujatiné apiné ento? Apa saja ada api
dugas Nyepi?
Tidak ada komentar:
Posting Komentar