 |
| potrekan kaambil saking facebook Witari Ari |
NEGARA, ISIN GUMI
Keneh liang dadi sebet dugas Kadék Édy Roistiwan, 32, lan Gusti Ayu Putu
Juni Astuti, 36, mulih kampung utawi mulih ka tanah palekadan di Banjar Yéhbuah,
Désa Yéhembang, Kecamatan Mendoyo, Jembrana, Saniscara (4/2/2017) sanja. Neked
jumah, Kadék Édy napetang bapanné, Ketut Sunantra, 59, mati magantung di kusén
jelanan gudang. Di jelanan gudangé ento, bapané nulis pabesen tekén pianak lan
mantuné.
Sunantara katepukin mati magantung nganggon tali mawarna pelung ané
tegulanga di kusén jelanan gudang umahné sawatara jam 16.00 Wita. Nepukin bapané
ngantung raga, Kadék Édy kawantu kurenané, Gusti Ayu Putu Juni Astuti mautsaha
nuunang bapané. Nanging dugas ento Sunantra suba ngemasin mati. Buut punika
raris kalaporang ka Polsék Mendoyo. Angga kepolisian lan angga Puskésmas Mendoyo
II tedun ka genah gantung diri punika. Risampun katuréksain, Sunantra sayuwakti
ngemasin mati sangkaning ngantung raga.
Sunantra ulah pati ngantung raga di kusén jelanan gudang katarka
santukan tan sida nandang lara keni panyungkan stroke. Sunantra nengil
padidiana jumahné kerana suba kalahin mati tekén somahné. Pianak lan mantu magaé
lan jenek di Badung. “Ipun keni stroke saking 8 bulan langkung,” ucap Kasat Réskrim
Polrés Jembrana AKP Yusak Agustinus Sooai, Redité (5/2/2017). Kawewehin,
Sunantra ngantung raga taler kasumekenang saking pabesen sane kasurat ring
jelanan muang korsi plastik ané anggona jekjekan satondén ngulah pati.
Ring jelanan gudang punika, Sunantra nyurat ‘pang sing sanget ngerepotin panak & mantu. Ini jalanku bpk sendiri bunuh diri (Ené pajalan
icangé mati ngantung iba)”. Ring korsi
plastik ipun nyurat “ini jalanku
sendiri (Ené pajalan
icangé). #Kadék Sugianto
Kaketus saking Harian Umum NusaBali
Tidak ada komentar:
Posting Komentar