 |
| Kebakaran ring PKB Art Centre. Foto ngambil saking FB Krista Gajahpara |
DENPASAR, ISIN-GUMI
Stand paméran PKB tongos ngadol baju, lukisan, kriya, muang kantor administrasi
Art Centre, Banjar Kedaton, Désa Sumerta Kelod, Dénpasar puun, Sukra (1/7)
sawatara jam 03.00 Wita. Akéh mobil pemadam kebakaran karauhang nanging api
ngancan ngedénang. Katarka kebakaran punika kerana korsleting listrik santukan
Wrespati peteng (30/6) sawatara jam 19.00 Wita, listriké mati. Kerugian katarka
miliaran rupiah.
Manut saksi Sutrisno, 46, daweg punika sawatara jam 02.50 Wita, ipun
sedeng mareresik ring wewidangan Art Centre. Kala punika ipun nyingakin andus
makudus lan api di dajan stand panganggo. Saksi lantas makraik tur nundunin
kramané sané ngengkis sirep. Sinalih tunggil penjaga stand Kabupatén Jembrana,
I Nengah Diksa, 65, raris bangun kapupungan mirengang suara mabiayuhan
tulung-tulung. Krama saking Banjar Berawan Tangi, Désa Tukad Aya, Melaya,
Jembrana puniki kagiat ningalin api dumilah di dajan stand panganggo utawi
pakaian.
Api dumilah ngranaang stand pangango di Banjar Kedaton, stand paméran
lukisan dauh Art Centre, lan kantor administrasi lantai II puun. Kerugian
durung prasida kaketékin. Aget semetonné tan wénten dados korban. Ki Sanak
Tidak ada komentar:
Posting Komentar