 |
| Pustu Bangli. Repro NusaBali |
TABANAN, ISIN-GUMI
Puskésmas Pembantu (Pustu) Baturiti I ring Désa Bangli, Kecamatan
Baturiti, Tabanan, sampun uwug. Nika mawinan bidan sanéé matugas setata enyeh
ulungin plafon rikala masan ujan. Plafon sampun benyah kerana tuduhan. Sané
makada sedih, Pustu Bangli puniki magenah ring kampong Bupati Tabanan Ni Putu Éka
Wiryastuti.
Manut bidan Ni Madé Budiartini, ipun sampun tugas ring Pustu Bangli duk
warsa 1996, 20 tiban lintang. Pustu Bangli kabenin duk warsa 2003, ngawit
punika kantos mangkin nénten naenin mabenehin malih. Tiosan ring genténg
benyah, kaca belah, tuduhan, lan témbok malumut, Pustu Bangli peteng tur tan wénten
toya saking PDAM. Budiartini, bidan saking Banjar Carik Padang, Désa Nyambu,
Kecamatan Kediri, Tabanan niki nyambatang nénten masang lampu kerana balonné
sawai kamaling olih anaké.
Ngawit ipun tugas ring Pustu Bangli, naenin wénten toya PDAM, nanging
wantah 2 tiban kémanten. Wusan punika ipun nganggén yéh telabah anggon di kayeh
lan tiosan. “Kerana tan wénten toya bresih, titian ten nglayanin pemasangan KB
malih, santukan tan wénten toya anggén ngumbah piranti keséhatanné,” ucap
Budiartini kacungkil saking Harian Umum NusaBali,
Sukra (1/7).
Budiartini ngawewehin, tiosan sawai kélangan lampu, tiang listrik di
natah Pustu Bangli taler kaambil duratmaka. Ipun nerangang, Dinas Keséhatan
Tabanan sampun ngrauhin ngecék Pustu Bangli sané uwug. Ipun mapangapti gelis
kanehanin apang ten runtag makarya. “Masan ujan-ujan, ubadé kakisidang apang
ten keni tuduhan. Titiang masé maénggal-énggalan mulih kerana jejeh magaé
padidian, takut plafonné ulung,” ucap Budiartini.
Budiartini nerangang, wénten 5 ruangan ring Pustu Bangli inggih punika
ruangan pemeriksaan, ruangan ubad, ruangan KB, més, lan WC. Nyabran dina wénten
sawatara krama nunas ubad, sakadi panes, dekah, muang rématik. “Nanging
pelayanan KB tan wénten malih santukan tan wénten toya bresih,” ucap
Budiartini.
Bupati Tabanan Ni Putu Éka Wiryastuti ngaku sampun uning Pustu Bangli
uwug. Sang murdaning jagat Tabanan ini nyanjiang gelis mecikang Pustu Bangli
punika. “Sampun karincikang nganggén dana APBD Perubahan,” atur dané. Ki Sanak
Tidak ada komentar:
Posting Komentar