 |
| Ilustrasi. Foto duwen Antara |
TABANAN, ISIN-GUMI
Motor Vario DK 7219 GO ané tegakina olih Ni Ketut Nonik Andani, 19, nabrak
jit truk E 9557 D di margi Tabanan-Penebel, Banjar Abianlalang, Désa Wanasari,
Kecamatan/Kabupatén Tabanan, Saniscara (18/6) tengahing dalu utawi jam 00.00
Wita. Ulian trabrakan punika, Nonik Andani ngemasin lacur di tongosé
matabrakan. Caplagan motor puniki sangkaning truk E 9557 D ané kasetirin olih
Héndro Prasetyo, 27, punika ban di arep tangébot pecah.
Manut Kanit Laka Ipda Madé Sukiarta kadampingin Kasat Lantas Polrés
Tabanan AKP I Gedé Éka Putra Astawa nerangang, sadurung tabrakan, truk E 9557 D
mamargi saking kelod (Tabanan) ngajanang ka Penebel. Sasampun ring Banjar
Abianlalang, nadak sara ban di arep kébot pecah. Héndro lantas ngrérénang truk
ipuné. Tongosé marérén dauh as jalan. Kala punika, saking kelod rauh motor
Vario DK 7219 GO kabakta olih Nonik Andani krama saking Banjar Pagi, Désa
Senganan, Kecamatan Penebel, Tabanan. “Ipun tan nyidang ngelidin raris nabrak
jit truk di tengawan,” ucap Ipda Madé Sukiarta.
Suud matabrakan, Nonik lan montor ipuné ulung mageblug. Nonik sané
kantun mahasiswa punika ngemasin lacur di tongosé matabrakan. Baong, cadik, lan
lengen ipuné lung. Mesuang getih uling bibih, cunguh, lan kuping. “Ipun
ngemasin lacur di tongosé matabrakan sadurung polih maubad ka puskesmas utawi
rumah sakit,” ucap Ipda Madé Sukiarta. Mayit Nonik Andani raris kabakta budal
ka Banjar Pagi, risampun polih katitipang ring RSUD Tabanan. Sopir truk, Héndro
ané selamet lan trukné kabakta ka Mapolrés Tabanan. Ki Sanak
Tidak ada komentar:
Posting Komentar