 |
| Polisi nakonang indik mati ulah pati di Banjar Kaja, Desa Bajera, Kecamatan Selemadeg, Tabanan, Saniscara (18/6) |
TABANAN, ISIN-GUMI
I Wayan Arta Giri, 35, mati ulian nginem portas, jumahne di Banjar Bajera Kaja, Desa Bajera, Kecamatan Selemadeg, Tabanan, Saniscara (18/6).
Satondén, nginem portas ipun maan ngatehang somahné, Ni Madé Suartini, 32,
madagang di peken Bajera. Mulih uling peken, Wayan Arta maan ngidih kopi tekén
matuanné, Nengah Nuriyati, 54. Suud ngopi, ipun macelep ka kamarnya. Di kamaré lantas nginum portas.
Satondén nginem portas ipun ngirim SMS tekén somahné apang ngisidang gelas lad
portasé.
Manut Madé Suartini, Arta Giri maan ping telu ngirimin SMS. “Ma, mulih
malu jep,” kéto pabesenné di SMSé paling sijumu. Buin kejepné buin ngirim SMS,
“Ma, mbah, kak, ampura sajan yg bo nyakitin nak jumah, ampura sajan nah. Yg
buin liu ngelah utang gara2 matajen. Ampura sajan yg lek mulih jani.” Sing
makeloné buin ada SMS masuk, “yg majalan jani ma, yg sing ngidang ngomong apo
buin. Kisidang gelas di samping yg né, nak lad potas.”
Suud maan SMS buka kéto, Suartini lantas majalan mulihné. Neked jumahné,
ipun sing nepukin kurenané. Ipun lantas nakonang tekén bapané, Nyoman Astara,
70. “Di kamarné mirib,” pasaut bapané. Suartini lantas nyagjagin ka kamaré.
Tangkejut ipun nepukin kurenané nyelepetég. Dugas ento, Arta Giri ané nyentana
jumahné enu angkih-angkih. Suartini kraik-kraik ngidih tulung. Pisagané lantas
nekain tur mlaibang ka Puskesmas Selemadeg I ané tongosné di Désa Bajera.
Nanging lacur, neked di Puskesmas ipun suba ngemasin mati.
Kapolsék Selemadeg Kompol Abdus Salim matutang buuté punika. Manut kulawarga, Arta Giri neked jumah uling ngateh somahné madagang di peken Bajera sawatara jam 08.00 Wita. "Suud ngidih kopi ajak matuanné ipun lantas macelep ka kamar, mirib langsung nginem portas," tarka Kompol Abdus Salim. Kaceritayang, kulawarga nulak otopsi tur nerima buuté punika. Ki Sanak
Tidak ada komentar:
Posting Komentar