 |
| Kaketus saking NusaBali, 01 Juni 2016 |
Solas (11) diri krama Désa Jatiluwih, Kecamatan Penebel, Tabanan cegut cicing rabiés. Cicing aukud ené nyegut solas diri krama di duang banjar luiré Banjar Jatiluwih lan Banjar Gunung Sari. Di Banjar Jatiluwih, cicing puniki nyegut petang diri krama, inggih punika Ni Nengah Wastini, 54, Ni Nengah Darmawanti, 45, Ni Wayan Catur, 64, dan Ni Wayan Manik, 26.
Petang diri krama istri di Banjar Jatiluwih puniki cegut kuluk ring rahina Redité (29/5). Ring Banjar Gunung Sari, kuluk ané patuh nyegut 7 diri krama. Sané kacegut inggih punika I Madé Murdiana, 32, I Madé Tinggal, 70, Ni Ketut Rakin, 59, Ni Ayu Pujianta, 43, I Madé Budiastra, 54, I Kadék Mardikayasa, 50, lan Ni Madé Suratni, 69. Kapitung diri krama Banjar Gunung Sari puniki cegut kuluk ring rahina Soma (30/5). Sinalih tunggil saking 11 diri krama Désa Jatiluwih, I Madé Tinggal sané cegut kuluk rabiés puniki kantos ngamar ring BRSUD Tabanan. Santukan tatuné rahat pisan kerana ipun améd lan kedeng cicing sawatara johné duang meter. Indik tatu ring paukudan Madé Tinggal inggih punika ring tangan kiwa tengen, batis kiwa tengen kantos paningalan. Saking rahat tatuné, kulit Madé Tinggal kantos maklupasan.
Sadurung ngamar ring BRSUD Tabanan, Tinggal polih kaubadin ring bidan lan puskesmas. Tinggal sampun kapica Serum Anti Rabiés (SAR) lan Vaksin Anti Rabiés (VAR). Tiosang ring Tinggal, petang diri krama istri saking Banjar Jatiluwih taler kapica SAR lan VAR santukan tatuné rahat tur risiko tinggi. Perbekel Désa Jatiliwuh, I Nengah Kartika rikala katakénin matutang buut ring désan danéné. Dané ngucapang, cicing gading katarka tan paada pangubuhné. Risampun polih laporan, dané nglanturang nglapor ka Dinas Peternakan lan Dinas Keséhatan. “Cicing punika sampun kamatiang. Asil cék lab, cicing gading punika positif rabies,” ucap Kartika, Anggara (31/5). Kepala Dinas Keséhatan Tabanan, dr Nyoman Suratmika negesang, pitung diri krama Banjar Gunung Sari sampun kapica VAR, lan Madé Tinggal polih SAR. Punika taler petang diri krama istri ring Banjar Jatiluwih sampun kapica SAR. “VAR wénten ring Tabanan, SAR nunas ring Provinsi Bali,” teges dr Suratmika. Kepala Dinas Peternakan Wayan Kotio ngawewehin, unduk buut nibénin krama ring kalah banjar adat Désa Jatiluwih jagi kalaksanayang eliminasi malih. Sadurungé, Dinas Peternakan sampun ngelarang eliminasi. Kotio narka, cicing gadis positif rabiés punika tan wénten sané ngubuh, tur dugas eliminasi, cicing punika tan kapanggihin olih petugas. “Mangkin malih kalaksanayang eliminasi. Nénten ja ring genah kalih banjar punika, nanging banjar pisagané taler wénten eliminasi,” teges Kotio. Ki Sanak
Tidak ada komentar:
Posting Komentar