Truk Fuso DK 9525 YH nabrak abing di jalan Dénpasar-Gilimanuk, wewidangan Banjar Bajera Kaja, Désa Bajera, Kecamatan Selemadeg, Tabanan, Redité (29/5) peteng. Truk ngaba muatan semén punika katarka nabrak abing kerana rimné blong. Sopir truk, Samsul, 50, lan panumpangné, Ni Madé Nasih, 53, tulangné paturu lung.
Makakalih maan majepit di tengah truké. Kapolsék Selemadeg Kompol Abdus Salim nerangang, truk ngaba semén nabrak abing di Banjar Bajera, Désa Bajera punika sawatara jam 18.30 Wita. Sadurung tabrakan, truk fuso DK 9525 YH ané kaseterin olih Samsul majalan nganginang uling Gilimanuk.
Rikala jalanné ngmenékang maimbuh méngkol ka tangébot, katarka rimné blong. Pajalan truké nyeleseh tur nabrak abing. “Aget dugas truké nyeleseh pajalanné uling kangin sing ada montor ngliwat,” ucap Kompol Abdus Salim. Sangkaning tabrakan punika, Samsul, sopir di CV Surya Abadi Tabanan punika ngemasin lung tulang pane, gidatné masih matatu. Panumpangné, Ni Madé Nasih, saking Banjar Buahan Kaja, Désa Buahan, Kecamatan Tabanan, taler ngemasin lung tulang tanganné tangébot. Makakalih ané enu inget yadiastun maan majepit di tengah truké kaplaibang ka Puskésmas Selemadeg I ané tongosné tusing joh uling matabrakan. Kerana tatuné gedé, makakalih raris kaubadin ring BRSUD Tabanan. Ki Sanak
Tidak ada komentar:
Posting Komentar