 |
| Tembok gembid di Banjar Curah, Desa Gubug, Tabanan |
TABANAN, ISIN-GUMI
Pura Taman Sari di Banjar Curah, Désa Gubug, Kecamatan/Kabupatén
Tabanan, daas urug gembidan témbok. Témbok di babuan purané gembid kerana
tomplok ujan bales, Anggara (28/6) sanja. Témbok madawa 20 méter tegehné 4 méter
punika mara sajan kawangun duk Désember 2016.
Manut Bendésa Adat Curah, I Gedé Madé Widana nerangang, témbok di babuan
purané gembid sawatara jam 15.30 Wita dugas ujan bales. Gembid di témboké
sawatara salantang 12 méter. “Yéh telabah di babuan purané meliah, sakabedik
nyirsir panemen témboké. Daas Pura Taman Sari di betenné teteh gembidan,” ucap
Madé Widana, Buda (29/6).
Widana ngewewehin, gembidan témboké ngenén panyengker di dangin purané.
Mawinan panyengkeré bolong. Gembidan témboké masih ngempetin pajalan yéh di
dajan pura sané makada pajalan yéhé ka pura sampetan. Dané mapangapti,
pamerintah urati tur micayang wantuan anggén menin témboké sané gembid.
Katerangang, duk Desémber 2016, krama keni peson-peson anggén ngwangun témbok séndéran.
Panelas wewangunanné Rp 92 yuta. “Mangkin kramané mapangapti polih wantuan
santukan wau wusan mayadnya,” pangaptiné Widana. Ki Sanak
Tidak ada komentar:
Posting Komentar