Ombak Gedé, Toris Sing Dadi ka Jaba Pura Tanah Lot

Ombak gede ring Tanah Lot

TABANAN, ISIN-GUMI

Ombak di Daya Tarik Wisata (DTW) Tanah Lot, Désa Beraban, Kecamatan Kediri, Kabupatén Tabanan gedé pesan. Ento makerana pengelola DTW Tanah Lot matesin torisé malali neked dib alai gong muang taman sadelod wantilan. Ombak gedé nglancah neked di natar Pura Pesimpangan sawatara 15 méter sadajan Pura Tanah Lot.

Manajer DTW Tanah Lot Ketut Toya Adnyana nuturang, ombak gedé punika sampun saking duang minggu sané langkung. “Titiang ngawatesin torisé malali neked dib alai gong. Sadelod balai gong ombaké gedé, mayanin pisan,” ucap Toya Adnyana, Saniscara Kliwon Wuku Wayang (4/6). Manut Toya Adnyana paling aman malali neked di taman delod wantilan. Santukan uling tongosé punika Pura Tanah Lot kantun sinah.

Tiosan ring nombahang torisé maekin pasih, Toya Adnyana taler nguduhang Balawista apang urati pisan tekén anaké malali. “Sampun kalih minggu margi ka pura katutup,” imbuh Toya Adnyana. Dané taler nyambatang petugas nyabran 5 menit pisan ngicen pawarah-warah apang torisé setata yatna-yatna utawi waspda. Ki Sanak