  |
| Mobil box DK 9858 AV sane benyah lidek kerana nabrak truk DR 8736 AE di Banjar Mandung Kangin, Desa Sembung, Kecamatan Kerambitan, Tabanan, Anggara (7/6). |
TABANAN, ISIN-GUMI
Telung motor matabrakan di jalan Dénpasar-Gilimanuk Km 25,7, Banjar
Dinas Mandung Kangin, Désa Sembung Gedé, Kecamatan Kerambitan, Tabanan, Anggara
(7/6). Motor sané tabrakan luiré mobil box DK 9858 AV, truk Hino DR 8736 AE,
lan motor Beat DK 5940 UP. Sopir box DK 9858 AV, I Kadék Santika, 26, lan timpalné,
Bambang, 38, pingsan tur plaibanga ka BRSUD Tabanan. Punika taler Poniman sané negakin
Beat, 37, ubadina ka BRSUD Tabanan.
Sadurung tabrakan, sawatara jam 15.30 Wita, mobil box DK 9858 AV majalan saking kauh (Gilimanuk).
Sasampun ring Banjar Mandung Kangin, arep Koperasi Artha Kusuma Bangsa nabrak
truk DR 8736 AE ané teka uling kangin (Dénpasar). Kala punika, mobil box
makeneh nyalip tur ngliwatin as jalan. Ulian ngebut tur rengas ten urati ring
motor sané rauh saking kangin, mobil box punika mapalu jangkrik ajak truk DK
9858 AV sané kasopirin olih Mardi, 28. Katarka sopir mobil box, Kadék Santika
mautsaha ngelidin apang tan matabrakan nganti mobil ipuné mawalik kuri benehné
tendas mobilé marep kangin dadi marep kauh.
Suud nabrak truk punika, mobil box makirig tur katabrak olih Poniman ané
negakin Beat DK 5940 UP ngandeng Huriyanto, 36, teka uling kauh. Maimbuh
Poniman maan teteh mobil box. Sopir mobil box I Kadék Santika lan timpalné,
Bambang, maan majepit di tengah mobilé sané benyah lidek. Santika, krama saking
Banjar Belahu, Désa Suter, Kecamatan Kintamani, Bangli, pingsan. Tatuné akéh
pisan. Punika taler Bambang, krama saking Surabaya, Jawa Timur pingsan tur
sirahné bencol.
Poniman, krama saking Banjar Tegal Dukuh Dénpasar ngemasin tanganné lung
tur beréd. Wantah Huriyanto sané magandéng ajak Poniman lan sopir truk Mardi
saking Désa Bujat, Lombok Tengah sané selamet. “Mobil box teka uling kauh
nyalip motor di arepné lantas nabrak truk tiangé. Tiang uku luas ka Surabaya
ngirim kentang 15 ton,” ucap Mardi dugas di kantor Polsék Kerambitan.
Kapolsék Kerambitan Kompol I Gedé Madé Punia matutang tabrakan punika.
Dané nerangang, tabrakan punika ulian sopir box rengas kala nyalip tan urati
motor sané rauh saking arepné. “Mobil box benyah, sopir lan penumpang taler sane
negakin montor Beat plaibanga ka rumah sakit kerana tatuné rahat,” ucap Kompol
Punia. Ki Sanak
Tidak ada komentar:
Posting Komentar