 |
Krama ambiug lan ramé ka pasih pacang ningalin kerangka jelema kaanyudang ombak di Pasih Pengembengan, Anggara (24/5). Foto druwén KabarNusa.com
|
Krama di pasisi pasih Pengambengan,
Dusun Ketapang Lampu, Désa Pengambengan, Kecamatan Negara, Jembrana nepukin
kerangka jelema kaanyudang ombak, Anggara Wagè Ugu (24/5). Nanging kerangka
jelema punika tan prasida kaambil kerana ombaké gedé. Kerangka jelema punika
malih kakedeng ombak ka tengah. Katarka, kerangka jelema punika wantah kerangka
tentara Jepang duk masa révolusi.
Manut orti sané nglimbak, kramané nyingakin kerangka jelema punika sawatara jam 11.30 Wita dugas gotong royong nguwug umah bendéga. Sangkaning jejeh kerana ombaké gedé, kramané tusing bani ningtingang kerangka jelema ento ka sisi. “Lantas buin kedeng ombak ka tengah,” ucap sinalih tunggil krama. Kerangka punika kantun tileh, uling batis kanti giginé enu ngatut.
Perbekel Désa Pengambengan Samsul
Anam matutang indik krama nepukin kerangka jelema punika.
“Ngenah ta kejep, buin ilang kedeng ombak,” ucapné. Krama muang polisi ramé ka pasih kerana ningehang ada kerangka jelema tomplok ombak. Ipun narka kerangka jelema ento wantah tentara Jepang ané liu matanem di sisin pasihé. Pasih Penimbangan duk ilu kadadiang markas tentara Nipon Jepang. Ki Sanak
“Ngenah ta kejep, buin ilang kedeng ombak,” ucapné. Krama muang polisi ramé ka pasih kerana ningehang ada kerangka jelema tomplok ombak. Ipun narka kerangka jelema ento wantah tentara Jepang ané liu matanem di sisin pasihé. Pasih Penimbangan duk ilu kadadiang markas tentara Nipon Jepang. Ki Sanak
Tidak ada komentar:
Posting Komentar