Raja Dénpasar Majuk di Bandara

Foto : Merdeka.com

DÉNPASAR, ISIN-GUMI

Kejaksaan Negeri Dénpasar kasarengin angga Polrésta Dénpasar ngejuk Raja Dénpasar Anak Agung Alit Samirasa di Bandara Internasional Ngurah Rai, Sukra Kliwon Bala (20/5). Raja Dénpasar buron salami atiban.

Kepala Kejaksaan Negeri Dénpasar Imanuél Zabua nerangang, Raja Dénpasar kajuk dugas tuun uling kapal jurusan Jakarta-Bali. Raris kapenékang ka mobil lan kaplaibang ka Lapas Kelas IIA Kerobokan, Badung. Raja Dénpasar Anak Agung Alit Samirasa nguluk-nguluk Lély, ané meli tanah aji Rp 7,5 miliar. Nanging surat-surat tanah sané kajanjiang tusing ada.

Raja Dénpasar sané katibén hukuman 2,5 tiban penjara mlaibin tanggungjawab. Dané raris dados buronan. Imanuél nyambatang, Raja Dénpasar ngajuang peninjauan kembali (PK) ring kasusné. Yadiastun ngajuang PK, Kejaksaan Negeri Dénpasar mastiang Raja Dénpasar Anak Agung Alit Samirasa tetep kabui. “Sampun celepang ka sel. Jantosin prosés PK-né,” ucap Imamuél Zebua sakadi kacungkil saking Antara. Ki Sanak