TABANAN, ISIN-GUMI
Truk box L 9923 UK nyungkling di
jalan Dénpasar-Gilimanuk, Banjar Tegal Belodan, Désa Delod Peken,
Kecamatan/Kabupaté Tabanan, Sukra Kliwon Bala (20/5). Truk sané kaseterin olih
Achmad Arifin, 31, puniki nyungkling risampun nabrak kakalih punyan kayu di
sisin marginé. Katarka sopir kiap nganti trukné nyrégseg nabrak punyan kayu.
Truk box L 9923 UK sané makta pakét kabel puniki jagi ka Dénpasar. Nanging sawatara jam 01.00 Wita, daweg rauh ring wewidangan Banjar Tegal Belodan, Desa Delod Peken margi Bypass Dr Ir Soekarno, Acmahd Arifin, sopir saking Nganjuk, Jawa Timur, tan sida naenang kiap. Kala ngentasin margi leser nuunang, trukné nyriut ngelodang (ka tengawan) lan nabrak punyan kayu. “Kiap, nyrégseg nabrak trotoar lan punyan kayu,” ucap Achmad Arifin.
Suud nabrak punyan kayu, truk box nyungkling. Achmad Arifin makékéh pesu uling trukné. Aget krama sané ngliwat ring marginé akéh mapitulung. Ipun prasida kapesuang. Yadiastun bangkén truké kari nyelempang, margi ring Bypass Dr Ir Soekarno mamargi antar tan keni macet. Ten wénten kapiambeng tiosan, sajaba sopir beréd lan truknya pényok nabrak punyan kayu. Ki Sanak
Tidak ada komentar:
Posting Komentar