Ngroko di Kapalé, Toris Hong Kong Juk Polisi

Kaketus saking NusaBali, Senin 23 Méi 2016. 

DÉNPASAR, ISIN-GUMI

Toris uling Hong Kong, Liem Nang Sang, 39, maurusan jak polisi sawiréh ipun ngroko di WC kapalé, Soma Pon Ugu (23/5). Ipun numpang kapal Citilink nomor penerbangan QG-621 rutè Surabaya-Dénpasar. Ipun kasengguh ngrusuhin keselamatan penerbangan. Tuun uling kapalé neked di Bandara Internasional I Gusti Ngurah Rai, Désa Pakraman Tuban, Kecamatan Kuta, Badung, Liem Nang Sang juk polisi.   

Ortiné, ipun menék kapal di Bandara Internasional Juanda Surabaya sawatara 09.00 Wita. Ngroko di WC kapalé sawatara jam 09.30 Wita. Kala punika Flight Operations Citilink di Bandara Ngurah Rai polih gatra saking pilot Kaptén Teguh Kristyanto. Gatra punika mabuat pisan santukan pramugari manggihin Liem Nang Sang ngroko di WC. Gatra punika kalanturang olih angga Flight Operations Citilink ka Satpam lan Polsék Kawasan Udara Ngurah Rai. “Dugas tuun uling kapalé, polisi sampun sayaga di Apron B-14,” ucap sinalih tunggil petugas.

Liem Nang Sang lantas kaajak ka kantor Polsék Kawasan Udara Ngurah Rai. Toris Hong Kong ané mabekel paspor nomor K05209344 punika lantas katuréksain. Ipun polih nglawan, nanging manut nugtug petugas kasarengin ibuné, Soe Fen Tj Ioe. Manut Soe Fen Tj Ioe, Liem Nang Sang wantah pianakné paling kitut saking kalih semeton. Liem Nang Sang kasambat ngraksa sakit inguh uling cerik. “Méméné maan nombahang pianakné apang sing ngroko dugas menék kapal, Liem Nang Sang nyak nuutin. Nanging ba di tengah kapalé, jeg payu keblusan ngroko di tengah WC-né,” ucap sinalih tunggil petugas. Ki Sanak