PUPUAN – Buruh, I
Wayan Mursita (50) ngemasin mati sangkaning ulung uling punyan cengkéhé. Satondén
ulung, ipun tepén nyuh aijeng dugas ngémpok bungan cengkéh di tegalan I Ketut
Nomber, Banjar Asah, Désa Bantiran, Kecamatan Pupuan, Tabanan, Soma
(11/6/2018).
Manut orti, Mursita, maburuh ajak patpat
ngalap cengkéh di tegalan I Ketut Nomberé. Ipun lan timpal-timpalné petang diri
luas maburuh uling jam kutus semeng. Sawatara jam 14.30 Wita, Jero Ketut
Sukanada ningehang ada munyin magledig. Ipun narka kampil misi cengkéh ané
ulung. Mara paekina sagetan ada anak ulung uling punyan cengkéhé. Ulung
tengkayak sirahné matanceb.
Jero Ketut Sukanada lantas katulung-tulung.
Putu Arianta lantas nyagjagin. Ipun makakalih ningtingang Mursita uling
tongosné ulung. Mursita kainemin yéh. Nanging ipun sampun pegat angkihanné.
Unduké ento lantas kalaporang ka polisi. Angga Polsék Pupuan kasarengin angga
Puskemas rawuh tur nureksanin mayitné Wayan Mursita. ki sanak
Tidak ada komentar:
Posting Komentar