 |
| Polisi nulungin Abdul Fatah ane ulung ka tukade. Potrekan druwen angga Polsek Selemadeg. |
TABANAN, ISIN-GUMI
Duang diri krama ulung ka tukad Yéh Matan, Banjar Selemadeg Kelod, Désa
Selemadeg, Kecamatan Selemadeg, Tabanan, Buda Kliwon Klurut (10/5). Duang diri
krama puniki ulung kerana nabrak besi pengancan kréteg duur tukad Yéh Matan.
Haji Adnan, 40, ngemasin mati, sané gandenga, Abdul Fatah, 19, kaplaibang ka
Rumah Sakit Tabanan.
Kapolsék Selemadeg Kompol Nyoman Sukanada nerangang, duang diri krama
puniki nabrak kereteg kanti ulung ka tukadé sawatara jam 06.30 Wita. Satondén
labuh, Haji Andan negakin montor Mio DK 8471 IJ ngandéng Abdul Fatah teka uling
kelod (Gilimanuk) pacang mulih ka tongos madunungan di Lingkungan Tuban Geriya,
Kecamatan Kuta, Badung. Dugas ngliwatin jalan nuunang méngkol ka tengawan duur kereteg
Yéh Matan, montorné nyregseg ngauhang (ka tengébot). “Montoré lantas nabrak
besi pangancan keretegé,” atur Kapolsék Selemadeg, Kompol Nyoman Sukanada.
Suud nabrak besin keretegé, Haji Adnan lan Abdul Fatah ulung ka tukadé,
dalemné sawatara petang métér uling keretegé. “Haji Adanan ngemasin mati,
mesuang getih uling cunguhné. Ané gandénga ajak maubad ka Puskésmas Selemadeg
lantas kaplaibang ka Rumah Sakit Tabanan,” atur Kompol Sukanada. Maka duang
diri krama puniki mawit saking Jember, Jawa Timur. Kapolsék Kompol Sukanada
mabesen ring krama sane nglintangin margi Dénpasar-Gilimanuk pamekasné ring
wewidangan Kecamatan Selemadeg apang yatna-yatna kerana jalanné belig lan liu péngkolan.
Van Satria
Tidak ada komentar:
Posting Komentar