 |
| Reramane Putu Meisha Diantari. Potrekan druwen www.nusabali.com |
AMLAPURA, ISIN GUMI
Anak alit mayusa 2 tiban, Ni Putu Méisha Diantari, saking Banjar
Tiyingan Kangin, Désa Bebandem, Kecamatan Bebandem, Karangasem ngemasin mati
tepén papah danyuh, Soma (30/1/2017). Sirah ipuné tepén papah danyuh ri kala
macanda ajak adiné di natah umahné. Ipun raris kaplaibang ka RSUD Karangasem
nglantur kabakta ka RSUP Sanglah ring Dénpasar.
Putu Méisha tan prasida katulungin malih, ipun ngemasin pejah, Sukra
(3/2/2017) sawatara jam 02.00 Wita. Ipun jagi kapendem ring Sétra Désa Pakraman
Bebandem rahina Redité Umanis Ukir (5/2/2017). Reraman ipuné, I Komang Tengah
Darmika, 27, lan Ni Luh Adé
Dwi Astina, 20, nuturang duk Soma sanja
sawatara jam 15.00 Wita, Putu Méisha macanda ajak adin ipuné, I Kadék Agus Dwi Adnyana, 10 bulan, di natah umahé. Dugas ento anginné nedeng baret. Dugas
mentas di dauh baléné, papah danyuh ulung tur ngenén sirahné. Putu Méisha
ngemasin pinggan utawi pingsan.
Bapan ipuné nyaup pianakné, kasangkol kagandéng olih I Madé Wartana ka
rumah sakit. Ring RSUD Karangasem, Putu Méisha wantah maan ubad tatu lantur ka
kirim ka RSUP Sanglah sawatara jam 18.30 Wita. Ring RSUP Sanglah, Darmika
naftar nganggon pasién umum santukan petugas nundén ngenepin syarat-syarat
administrasi. Risampung ngurus ka dokter ahli bedah, ahli saraf, lan syarat
administrasi, Putu Méisha ka-CT scan. Katerangang kaun sirah Putu Méisha encak
lan bocor, tulang tengkorak masibakan kantong paningalan kiwa, taler getihné
maleman ring otak.
Soma peteng punika, Darmika ngantosang jadwal operasi, nanging kamar
operasi suba bek. Pamuputné, Buda (1/2/2017) sawatara jam 00.00 Wita, ipun
polih wangsit operasiné Putu Méisha kakirigang. Putu Méisha buung kapoperasi.
Dina Sukra (3/2/2017) sawatara jam 01.00 Wita, Putu Méisha ngancan nyelékang tur ngemasin mati
sawatara jam 02.00 Wita. “Kal lasang bayuné yadiastun pianaké ngalahin. Yadiastun
las, tiang kantun sedih,” ucap Darmika. Méméné
Putu Méusha ngaku ten ngelah kleteg utawi sipta bencana nepénin pinakné. Kadék Sugianto
Kaketus saking www.nusabali.com
Tidak ada komentar:
Posting Komentar