TABANAN, ISIN-GUMI
Tukang traktor, I Madé Suaba, 65, angkihanné ngangseg dugas ngajak anak
luh, Ni Wayan S, 59, padaduanan di kamar nomor 2 bungalow Bagus, Banjar Buruan
Kelod, Désa Buruan, Kecamatan Penebel, Tabanan, Redité Umanis Merakih (23/10).
Ipun raris kaplaibang ka BRSUD Tabanan, nanging uripné tan kaselametang. Kocap
pekak saking Banjar Kesiut Kaja, Désa Kesiut, Kecamatan Kerambitan, Tabanan
puniki keni serangan jantung.
Manut orti sané kapupulang, sawatara jam 19.00 Wita, Suaba nyemput Wayan
S di malun umahnyané di Banjar Buruan Kelod. Disubané menék montor, lantas kaajak
ka bungalow Bagus. Daweg di tengah kamaré, Suaba nyambatang angkihanné
ngangseg. Ipun lantas ngelés celana panjangné nanging kantun mabaju lan
macawet.
Wayan S sané nyingakin kantinné ngangseg lantas nyambatang tekén penjaga
bungalow, Kadék Widiasih. Ipun sareng kalih lantas nyingakin Suaba ka tengah
kamaré. Nyingakin Suaba ngangseg, Kadék Widiasih lantas nelépon I Gusti Éka
Laksana nglantur nelépon ambulans BRSUD Tabanan. “Suaba kaplaibang ka rumah
sakit, satondén neked di rumah sakit suba majalan (mati, red),” ucap sinalih
tunggil angga polisi ring Tabanan. Ki
Sanak
Tidak ada komentar:
Posting Komentar