TABANAN, ISIN-GUMI
Kalih diri bajang jegég ané negakin montor Vario DK 2180 HW ulung di
malun sétra kembar Banjar Tuakilang Belodan, Désa Dénbantas, Kecamatan Tabanan,
Saniscara Kliwon Klurut (22/10). Ipun makakalih labuh sangkaning nadak ngerim
ring jalanné belig. Nika mawinan, Ni Madé Wiyandari Santana, 16, ané magandeng
ngemasin mati. Sané negakin montor, Pridha
Kumara Janardhani, 17, selamet.
Manut orti sané katerima ISINGUMI, kalih bajang jegég punika labuh di
arep sétra kembar Tuakilang sawatara jam 13.00 Wita. Sadurung punika, makakalih
siswi SMAN 1 Tabanan ini rauh saking kauh (Penebel) pacang ka Kota Tabanan. Risampun
tiba ring arep Sétra Gandamayu, Pridha ngenjek rim nadak pisan. Margi sané belig
wusan sabeh makada montoré nyrégseg tur ngawinan Pridha, krama sané jenek ring
BTN Sanggulan, Désa Banjar Anyar, Kecamatan Kediri, Tabanan, ulung.
Punika taler timpalné ané kagandéng, Wiyandari Santana, ulung. Dugas ulung
ngluluk, krama saking Banjar Gerokgak Gedé, Désa Delod Peken, Kecamatan Tabanan
puniki ngaplag truk. Nanging kuda nomor polisi busé durung kapastikayang.
Wiyandari sané makaplag sareng bus ngemasin cedera kepala berat (CKB). Nika
mawinan siswi kelas I SMAN 1 Tabanan ngemasin mati. “Ané negakin montoré
selamet,” ucap petugas kepolisian. Ki
Sanak
Tidak ada komentar:
Posting Komentar