 |
| Ilustrasi kaketus saking internet |
Montor Supra DK 2136 GZ ané tegakini tekén I Gusti Madé Suarnita, 51, nabrak truk Tronton DK 9321 AB di jalan Dénpasar-Gilimanuk, Banjar Pasekan, Désa Abiantuwung, Kecamatan Kediri, Tabanan, Wraspati (2/6).
Sangkaning tabrakan punika, Gusti Suarnita ngemasin lacur. Dané séda ring genahé matabrakan. Kanit Laka Sat Lantas Polrés Tabanan Ipda Madé Sukiarta nuturang, tabrakan punika sawatara jam 05.00 Wita. Sadurung matabrakan, Truk Tronton DK 9321 AB sané kasetirin olih I Gusti Madé Suarya, 46, ngrérénang trukné dajan margi. Salunturné, Gusti Suarnita ngebut negakin montor Supra DK 2136 GZ ngebut saking kauh. Santukan rengas lan dengang, Gusti Suarnita, krama saking Dénpasar raris nabrak jit truké. Gusti Suarnita bah lantas ngemasin lacur ring tongosé matabrakan. Sawalikné, sopir truk Gusti Suarya, krama saking Banjar Biaung Tengah, Désa Biaung, Kecamatan Penebel, Tabanan, selamet tan patatu. Ki Sanak
Tidak ada komentar:
Posting Komentar