 |
| Wakil Bupati Tabanan I Komang Gede Sanjaya (maudeng) kadampingin Irte Vinceng Aang lan para Biksu rikala ngresmiang kreteg di Banjar Margasari, Desa Pujungan, Kecamatan Pupuan, Tabanan, Buda (22/6). Potrekan druwen Humas Pemkab Tabanan. |
TABANAN, ISIN-GUMI
Krama Banjar Margasari, Désa Pujungan, Kecamatan
Pupuan, Tabanan, garjita santukan prasida muputang kreteg utawi jembatan
salantang 5 méter. Kreteg sané kawastanin Sinar Bodi Satwa punika maekang krama
ring Tempék Nyaring Batu lan Témpek Munduk Buluh ring Banjar Margasari. Prabéa
ngwangun kreteg punika saking punia Irtè Vincéng Aang magedé Rp 100 yuta.
Kreteg punika karesmiang olih Wakil Bupati Tabanan I Komang Gedé Sanjaya
kadampingin Irtè Vincéng Aang lan para Biksu Budha, Buda (22/6).
Manut Perbekel Désa Pujungan, Madé Wisnu Wijaya
nerangang kreteg punika kagotongroyongin olih krama sawatara a bulan. “Prabéa
saking wantuan utawi punia bapak Irtè Vincéng Aang. Titiang ngwalinin krama
ngaturang suksmaning manah,” ucap Perbekel Madé Wisnu Wijaya. Dané mapangapti kreteg
punika prasida ngwantu krama nincapang ékonominé. “Dumadak Pemkab Tabanan
setata urati,” pinunas Madé Wisnu Wijaya.
Wakil Bupati Tabanan I Komang Gedé Sanjaya
ngaturang parama suksma ring Irtè Vincéng Aang sané sampun urati tur ngwantu
krama di Désa Pujungan. Pangaptiné, investor tiosan nulad Irtè Vinéng Aang sane
arsa ngwangun ring Tabanan. Majeng ring krama Pujungan, Wakil Bupati I Komang
Gedé Sanjaya majanji pacing urati ring krama sajebag Tabanan. “Ngiring sareng
sami bangga ring Tabanan santukan akéh kapica kekayaan alam, mangkin iraga
tuwah ngolah kémanten,” teges Sanjaya. Ki
Sanak
Tidak ada komentar:
Posting Komentar