 |
| Natah bale Penimbangan Ikan macelos |
TABANAN, ISIN-GUMI
Tiosan ring punyan Ketapang lan Nyuh di pasih soka bah tomplok ombak,
bias pasihé masih ngareres kedeng ombak gedé. Pamuputné bale Penimbangan Ikan
wantuan Pemerintah Pusat di Pasih Soka uwug, Wraspati (9/6).
Manut I Madé Arnawa, ombak gedé makada bataran balé Penimbangan Ikané
ngenah kerana bias ané tegehné sawatara 1,5 méter sakabedik kedeng ombak gedé.
Bias ané anggon ngurug natah utawi lantai baléné taler ngereres ané makada
lantainé macelos. Lantai ané macelos lantangné sawatara 2,5 méter malombéng
sawatara 2 méter, lan dalemné sawatara 1,5 méter. “Briug kéto munyinné dugas
lantai baléné puniki macelos,” ucap Arnawa, Sukra (10/6).
Arnawa utawi Nawik nuturang, balé Penimbangan Ikané punika macelos duk
Wraspati (9/6) sawatara jam 13.00 Wita. Uwugnyané sibarengan ajak punyan kayuné
di pasisi bah tomplok ombak ané tegehné sawatara 4 méter. Nawik nerangang, balé
Penimbangan Ikan puniki wantah wantuan saking BLM PUMP Kementerian Perikanan
dan Kelautan duk warsa 2014. Balé punika kawastanin KUB Sringanti. Ki Sanak
Tidak ada komentar:
Posting Komentar