Ada Raré Matekep Terpal Duur Mobil Palungan di Peken Jagaraga

Ilustrasi kaambil saking internet

SINGARAJA-ISIN GUMI

Krama di Banjar Tebén, Dé Jagaraga, Kecamatan Sawan, Bulélég, ambiug kerana nepukin raré di malun pekéné, Sukra (3/6). Bayi muani punika pejanga duur mobil palungan (pick up) DK 9741 UX gelahné Putu Berata Suryadi, 51, krama Banjar Tebén. Raré punika ngreresin ati, santukan macara utawi nangis. Raré punika mabat 2,4 kilogram, madawa 42 céntiméter, lan talin pungsedné kantun ngatut salantang 39 céntiméter. Bayi punika kasalukin baju macorak bunga.

Sinalih tunggil saksi, Ni Nyoman Sumarini, 50, nyambatang rikala kramané makalukan di pekené nadak sara ningehang eling raré. Kramané di tentené raris ngrerehin saking dija tangis bayi punika. Kramané raris nyingakin raré punika ring bak mobil pick up druwén Berata Suryadi. “Raré punika katekepin terpal, mobil punika kaparkir di malun pekené sawaraa jam 05.50 Wita,” ucap Sumarini.

Kelian Pecalang Désa Jagaraga, Wisnu nuturang ngambil raré punika raris ka bakta ka bidan di wewidangan Désa Menyali. Raré lanang punika raris kapreténin olih bidan Jumahir, 56. Kapolsék Sawan AKP Madé Mustiada matutang kramané nepukin raré katekepin terpal di duur mobilé. Polisi kantun nyelehin apang sang ngentungang raré prasida kapanggihin. “Mangkin raréné sampun kaubadin ring rumah sakit,” ucap AKP Mustiada. Ki Sanak

Kaambil saking MétroBali.com