TANANAN, ISIN-GUMI
DPC PDIP Tabanan ngadokang Try Out SBMPTN tahun 2016 di gedung kesenian I Ketut Marya Tabanan, Soma Umanis Ugu (21/5). Try Out kasarengin 1.403 siswa SMA/SMK sajebag Tabanan. Soal-soal sane kasediaang luire IPA, IPS, lan IPC (Ilmu Pengetahuan Campuran). Para siswa sane nyarengin try out mapangapti ngrereh Unud, Undiksha, lan Politeknek Negeri Bali.
Manggala karya Made Suarta nerangang soal-soal kasediaang saking DPP PDIP. Try out kamargiang ping kalih kerana gedung tan prasida nampung siswa sane akeh nyarengin. "Dasa diri siswa mikolihang nilai terbaik polih hadiah HP," ucap Suarta.
Manggala DPC PDIP Tabanan I Komang Gede Sanjaya garjita kerana siswa sane nyarengin try out lebih saking kaaptiang. DPC PDIP Tabanan katarget 500-700 siswa nanging sane ngrauhin kantos 1.403 siswa. Wusan ngadokang try out, DPC PDIP Tabanan lakar ngwentuk tim sepakbola lan voli di soang-soang sekolah sajebag Tabanan. Ki Sanak
Tidak ada komentar:
Posting Komentar