Nak Teruna Daas Lindes Trek

Ketut Hendra ane labuh di Banjar Lumajang, Desa Samsam, Kerambitan, Tabanan.

KERAMBITAN – Anak teruna negakin montor Scoopy DK 6437 ZN, Ketut Héndra Irawan (19), daas lindes trek di Banjar Lumajang, Désa Samsam, Kecamatan Kerambitan, Tabanan, Soma (11/6/2018). Aget Ketut Héndra selamet, tuah montorné macelep ka betén treké. Tabrakan ené pas di malun studio radio Global FM Bali.

Ketut Héndra negakin montor Scoopy DK 6437 ZN teka uling kauh (jurusan Gilimanuk). Ipun pacang training ring hotél di Denpasar. Dugas ento, nak teruna uling Désa Sanggkar Agung, Negara ento nututin Suzuki APV. Paturu lakar nglangkungin Trek Tronton H 1780 BN kaseterin olih I Putu Wibawa (39) saking Lingkungan Terusan, Désa Lelateng, Negara, Jembrana. Nanging uling kangin teka Toyota Innova DK 1796 XG kaseterin olih I Gusti Ngurah Ketut Subawa (45) saking Banjar Gunung, Abiansemal Badung.

Pamuputne Innova DK 1796 XG ngaplag stang montornv Héndra. Ento mawinan Ketut Héndra masintungan uling montorné. Nanging Scoopy ané tegakin ipun macelep ka Truké. Sangkaning tabrakan ento, Ketut Héndra ngemasin beréd-beréd, montor ipuné usak. Kanit Lantas Polsék Kerambitan, Iptu Harianto, kasarengin angga sampun ngurusang tabrakan punika. ki sanak

Kaketus saking siaran radio Global FM Bali

Montorne Ketut Hendra macelep ka beten treke.