TABANAN, ISIN-GUMI
Pura Luhur Sekartaji magenah ring wewidangan Désa
Pakraman Sekartaji, Désa Sesandan, Kecamatan/Kabupatén Tabanan. Pura puniki
kaiterin alas tiing lan tegalan. Manut dosen Program Studi Arkéologi Fakultas
Ilmu Budaya Univérsitas Udayana, Drs I Gusti Ngurah Tara Wiguna MHum, pura Luhur Sekartaji sampun kawangun duk abad I kantos abad VIII Maséhi.
Kabuktiang prasasti megalitik marupa tahta batu ring arep sami palinggih.
Tara Wiguna maosang, duk abad XVI Maséhi, Raja Tabanan Tjokorda
Lepas Dimade ngambil istri ring Désa
Sekartaji. Istri ida kawastanin Mekel Sekar ngamedalang anak
alit Tjokorda Sekar. Risampun duwur, Tjokorda Sekar raris madeg prabu. Risampun
Tjokorda
Lepas Dimade lebar, Tjokorda
Sekar ngwangun paliingih tur nglinggihang ajin idané ring Pura
Luhur Sekartaji. Duk Tjokorda Sekar ngamel jagat, raris ngrincikang tur ngawangun palinggih. Jimbar wewidangan
15 hektar puniki kawarisin ring Mekel Sekartaji lan krama Sekartaji.
Mangku Gedé Pura
Luhur Sekartaji, Mangku Wayan Sukadana nerangang
wangunan palinggih ring pura sampun lami. Ukirané taler kuno. Pura
Luhur Sekartaji maduwé tigang beji inggih punika Beji Baleran, Beji
Taman Telaga, lan Beji Kangin. Pujawali ring Anggara Kasih Medangsia. Ring Palinggih Ageng krama tan dados ngaturang jaja madaging gula
barak. Taler tan kadadosang ngaturang pisang gedang
saba. Nang Satria
Tidak ada komentar:
Posting Komentar