 |
| Angga Polsek lan Puskesmas Kerambitan nureksain mayitne I Gede Supriawan di Banjar Mandung Kangin |
TABANAN, ISIN-GUMI
I Gedé Supriawan, 34, krama Banjar Mandung Kangin, Désa Sembung Gedé,
Kecamatan Kerambitan, Tabanan, ngemasin mati kerana nglonggong ubad keramik,
Saniscara (19/11). Ipun katarka pelih nyemak minuman kerana bangun kepupungan. Kabenengan,
yéh iném mawadah pucung plastik muang ubad keramik tongosné mapunduh. Ipun maan
maubad tur lambungné kabersihin ring Rumah Sakit Ibu Tabanan, nanging atman
ipuné tan prasida kaselametang.
Manut orti, sawatara jam 05.30 Wita, ipun dunduna tekén bapané, I Nyoman
Sugiada, 54. Bapané nakonang pianakné nyidang ngayahang ngabén ngerit di désa.
Supriawan nyautin tusing nyidang kerana ngelah tamu pacang ateh malila cita. Ningeh
pasaut pianakné buka kéto, Sugiada magedi tur ngojog paon. Sawatara 30 menit,
ipun ningehang pianakné jerit-jerit ngorahang basangné sakit. Dugas dengokina
ka kamarné, Supriawan glalang gliling sambilanga ngisi basangné.
Supriawan lantas kaplaibang ka Rumah Sakit Kasih Ibu Tabanan, ring Banjar
Tegal Belodan, Désa Dauh Peken, Kecamatan Tabanan. Ipun maan kaubadin. Maimbuh
lambungné kabresihin. Nanging lacur, atman ipuné tan prasida kaselametang. Sawatara
jam 07.40 Wita, Supriawan ngemasin mati. Sugiada narka pianakné pelih nyemak minuman.
Ipun nutrang, dugas ibiné, pianakné mresihin kamar mandi nganggon Prostex. Sisané
wadahina pucung plastik minuman. Sisan ubad keramiké ento punduhanga ajak yéh
putih macampur Kratingdaeng ané mawadah pucung plastik
Mayitné kabakta mulih ka Banjar Mandung Kangin, Désa Sembung Gedé,
Kecamatan Kerambitan. Kulawarga nulak dugas polisi nagih otopsi apang sumeken
tawang ané ngranaang guide ento ngemasin mati. Kapolsék Kerambitan Kompol I Gedé
Madé Punia matutang biuta punika. Kompol Punia nerangang, dugas olah TKP tusing
nepukin biket utawi cihna guide punika mati ulian sengkalain anak. “Kulawarga
nerima biuta punika tur nulak otopsi,” cawis Kompol Punia. Ki Sanak
Tidak ada komentar:
Posting Komentar