Uyut, Bli Nyepeg Baong Adine

Bli lan adi ane manyama tugelan puniki mauyutan rikala Ketut Arda mulih uling matuakan, Saniscara (28/5) sandikala sawatara jam 18.40 Wita. Sudana lan Arda jenek ring Banjar Beji, Desa Sangsit, Kecamatan Sawan, Buleleng. Arda mulih uling matuakan ngomong ngacuh. Sudana ane ningehang pedih. Bli lan adi puniki lantas mauyutan. Tan pasangkan, Sudana ane brangti nyemak panampad tur nyepeg baong adine, Ketut Arda. Arda ane mabuk nglawan. Limanne matatu. Keto mase baongne kena panampad. Tatu di baongne dawa sawatara 10 centimeter. Arda bah. Pisaga lantas matetulung. Arda plaibanga ka rumah sakit. Sudana satonden ka kantor polisi, plaibanga ka bidan. Sirahne matatu tur majahit. Kelian Dinas Banjar Beji, Ketut Sukertiasa, Sudana lan Arda pinaka uwakne setata masantulan. Unduk tatu di baongne Ketut Arda sada dalem, nanging ipun nyambatang tusing kanti megatin uwat arteri.Ki Sanak Kaketus saking NusaBali, edisi Minggu 29 Mei 2016 Foto repro